ప్రతి పండుగకు ఒక ప్రధాన దైవం ఉండదు. ఆ అవతారాలు పుట్టిన రోజునే వారు ప్రధాన దైవం. శ్రీరామనవమి, కృష్ణాష్టమి, వినాయకచవితి, స్కన్ద షష్టి, రధసప్తమి, మహానవమి ఇలాంటి వాటికి ఆయా దేవతలు ప్రధానము. ఆనాడు కూడా మనం నిత్యం ఆరాధించే మన ఇష్టదైవాన్ని ఆరాదించిన తరువాతనే ఆ పుట్టిన రోజు దైవాన్ని పూజించాలి. నిత్య ఆరాధనను మానివేసి ప్రధాన దైవాన్ని ఆరాధించరాదు. ఉగాదినాడు కాలమే ప్రధాన దైవం. ఆనాడు మనము పూజించే దైవాన్ని కాలరూపంగా ఆరాధించాలి. పంచాంగాన్ని ఆరాధించాలి. పంచాంగం కాలరూపమే కదా!