U19 W-T20 wc | టీమిండియా అమ్మాయిలు త‌గ్గేదే లే…
అండర్-19 మహిళల టీ20 ప్రపంచకప్‌లో డిఫెండింగ్ ఛాంపియన్ భారత్… త‌మ జైత్రయాత్ర కొనసాగిస్తోంది. ఇప్పటికే టీమిండియా అమ్మాయిలు వరుసగా మూడు మ్యాచ్ లు గెలిచి సూపర్ సిక్స్ లోకి దూసుకెళ్లారు.
అండర్-19 మహిళల టీ20 ప్రపంచకప్‌లో డిఫెండింగ్ ఛాంపియన్ భారత్… త‌మ జైత్రయాత్ర కొనసాగిస్తోంది. ఇప్పటికే టీమిండియా అమ్మాయిలు వరుసగా మూడు మ్యాచ్ లు గెలిచి సూపర్ సిక్స్ లోకి దూసుకెళ్లారు.
కాగా, ఈ మ్యాచ్‌లో తొలుత బ్యాటింగ్ చేసిన బంగ్లాదేశ్.. భారత బౌలర్ల దెబ్బకు 20 ఓవర్లలో 64/8కే పరిమితమైంది. బంగ్లా బ్యాటర్లలో జన్నతుల్ మౌవా (14) నామమాత్రపు పరుగులు చేయగా… సుమయ్య అక్తర్ (21*) టాప్ స్కోరర్‌గా నిలిచింది. మిగిలిన వారు టీమిండియా బౌలర్లకు తలవంచారు. భారత బౌలర్లలో వైష్ణవి శర్మ (3/15) వికెట్లు పడగొట్టింది. జోషిత (1/6), షబ్నం (1/7), త్రిషాల (1/6) వికెట్లు తీశారు.
అనంతరం స్వల్ప లక్ష్యంతో బ‌రిలోకి దిగిన భారత అమ్మాయిలు… 7.1 ఓవర్లలోనే మ్యాచ్ ను ముగించేశారు. తెలుగమ్మాయి ఓపెన‌ర్ గొంగడి త్రిష బౌండ‌రీల‌తో చెల‌రేగింది. 31 బంతుల్లో 8 ఫోర్ల సాయంతో 40 పరుగులు చేసి అదరగొట్టింది. అనంతరం సానికా చాల్కే (11) పరుగులు చేయగా.. నిక్కీ ప్రసాద్ (5) విన్నింగ్ షాట్ తో ఆకట్టుకుంది. దీంతో యువ భారత జట్టు బంగ్లాదేశ్‌పై సునాయాసంగా విజయం సాధించింది.
ఇక, సూపర్ సిక్స్‌లో భాగంగా జనవరి 28న స్కాట్లాండ్‌తో భారత జట్టు త‌ల‌ప‌డ‌నుంది.