Nandyala | యువకుడి సూసైడ్ లెటర్ కలకలం..
రూ.13 లక్షలు బెట్టింగ్ యాప్ లో పోగొట్టుకున్న వైనం…
పోలీసులు మిస్సింగ్ కేసు నమోదు…
నంద్యాల బ్యూరో, జనవరి 25 : నంద్యాల జిల్లా ఆత్మకూరు పట్టణంలోని నిరంజన్ అనే యువకుడు సూసైడ్ లెటర్ రాసి ఇంటి నుంచి వెళ్ళిపోయాడు. దీంతో తల్లిదండ్రులు పోలీసులకు ఫిర్యాదు చేశారు. పోలీసులు మిస్సింగ్ కేసు నమోదు చేసి దర్యాప్తు చేపట్ట‌నున్న‌ట్లు డీఎస్పీ రామాంజినాయక్ తెలిపారు.
ఆయన తెలిపిన వివరాల మేరకు… ఆత్మకూరు పట్టణానికి చెందిన నిరంజన్ అనే వ్యక్తి బెట్టింగ్ యాప్ లో రూ.13లక్షలు పోగొట్టుకున్నాడు. బజాజ్ ఫైనాన్స్ లో ఉద్యోగం చేసే నిరంజన్ రూ.13లక్షలు పోగొట్టుకోవడంతో ఈ విషయం తల్లిదండ్రులకు తెలిస్తే బాధపడతారని చెప్పి ఒక సూసైడ్ లెటర్ రాసి ఇంటి నుంచి వెళ్లిపోయాడు. అందులో అమ్మానాన్న, చెల్లి గురించి రాశాడు.
నేను తప్పు చేశాను.. బెట్టింగ్ యాప్ లో రూ.13 లక్షలు పోగొట్టుకున్నాను.. నన్ను క్షమించండి అంటూ కన్నీళ్లతో ఆరు పేజీల ఉత్తరం రాసి ఇంటి నుంచి వెళ్లిపోయారు. దీంతో తండ్రి ఇచ్చిన ఫిర్యాదు మేరకు పోలీసులు మిస్సింగ్ కేసు నమోదు చేసి దర్యాప్తు చేపడుతున్నారు. ఇలాంటి బెట్టింగ్ యాప్ ల వల్ల గతంలో కూడా కొంతమంది ప్రాణాలు తీసుకున్నారు. పోలీసులు మిస్సింగ్ కేసు నమోదు చేశారు. నిరంజన్ అనే యువకుడి కోసం పోలీసులు ప్రత్యేక బృందాలుగా గాలిస్తున్నారు. నిరంజన్ తిరిగి ఇంటికి వ‌స్తాడ‌ని తల్లిదండ్రులు, బంధువులు, ప్రజలు ఆశాభావం వ్యక్తం చేస్తున్నారు.